कम्पनीले आफ्नो स्वामित्वमा रहने गरि कृषकलाई कुखुरापालन गर्न दिने र निश्चित अवधि पुगेपछि कम्पनी आफैले लैजानुलाई Integration Broiler Farming भन्ने बुझ्नु पर्दछ। यसमा कृषकले एक प्रकारको कम्पनीको अंगको रुपमा सम्झौतामा काम गर्नु पर्नेहुन्छ। चल्ला दानादेखि सम्पुर्ण औषधी र उपचार सेवा कम्पनीको दायित्वमा पर्ने गरि उपलब्ध हुनेछ। कृषकको खोरमा पालिने कम्पनीको कुखुरा चल्लालाई कृषकले समयमा दाना र स्वच्छ पानी दिनुका साथै बाँकी सम्पूर्ण व्यवस्थापन र रेखदेखको जिम्मेवारी लिइ निश्चित समय पुगेपछि तयार भएको कुखुरा कम्पनीले उठाइ लानेछ। उठाएको जिउँदो कुखुराको प्रतिकिलोको दरले तोकिएको रकम आधुनिकले कृषकलाई दिनेछ। बजार भाउ संग सरोकार राख्दैन। यसैलाई संक्षपमा AIBF अर्थात आधुनिक इन्ट्रिगेसन ब्रोइलर प्लान प्रणाली वा किलो सिस्टम पनि भन्न सकिन्छ।

छिमेकी मुलुक चीन, भारतमा व्यापक प्रचलित यो कार्यक्रम नेपालको लागि विल्कुलै नौलो कार्यक्रम हो जसलाई किलो सिस्टम पनि भन्ने गरिन्छ। कृषकहरुलाई जोखिम नहुने यस कार्यक्रम अन्तर्गत निश्चित प्रक्रिया पुगेका कृषकहरुलाई आधुनिक आफ्नो स्वामित्वमा रहने गरि कुखुरापालन गर्न दिई अवधि पुगेपछि तयारी कुखुरा उठाई लानेगर्छ। यसका लागि कुखुराको चल्ला दानादेखि सम्पूर्ण औषधी र उपचार सेवा कम्पनिको तर्फबाट उपलब्ध हुनेछ। साथै नियमित प्राविधिक निरीक्षण पनि हुन्छ। कृषकको खोरमा पालिने कुखुरालाई समयमा दानापानी दिनुका साथै बाकिँ सबै व्यवस्थापन र रेखदेखको जिम्मेवारी कृषकले लिनुपर्ने हुन्छ। कृषकले आफ्नो खोरमा उचित व्यवस्थापन गरी कुखुरा तयार गरिदिए वापत उठेको जिउँदो कुखुरा प्रतिकिलोको दरले निश्चित रकम आधुनिकले कृषकलाई दिन्छ। बजारभाउ संग कुनै सरोकार राख्दैन।

एक वर्ष अघि मात्र आधुनिकले सन्चालन गरेको यस कार्यक्रमले धादिङको धार्के, काठमाडौं र भक्तपुरमा गरि करिब ६५,००० क्षमताको कृषकहरु सहभागि भएबाट यसको लोकप्रियताबारे सजिलै अनुमान लगाउन सकिन्छ।